قصيدة عامية لمحمد زوام - يلا باى

شاهدوا محمد زوام فى مهرجان الواحة الشعرى 2008على الرابط:

http://www.youtube.com/watch?v=XXL_nox5m50

Jack Vettriano,Baby Bye Bye

Oil on canvas

يلا بـــــاى

طََلبت مـعاكِ خلاص حـنين
ما خلاص سِكتْ وقلت باى
خَـلْـصــت أنـا كل الأنــيـــن

ما فاضلش مِنة خلاص أهات
ما الحب مات و الكُره مات
والدنيا غلفها السُكات
والذكريات اللى انت
فاكراها حاجات
بقت شواهد للفوات
بقت الدليل
على قلب مات
مات وأندفن مات وأندفن
من غير كفن من غير صوات
مات بكلمة واحدة منك
يلا باى
الغدر باين من عنيكِى
ذى السما قبل المطر
لونها الحَمار
والعبد مل الإنتظار
ما بقاش يصدق سَيدُه
أو يبتسم للإعتذار
ما خلاص عِـرف
إن الأنين والإنطواء
ودموع عِينيه والارتواء
من بير غويط م الذكريات
أحسن كتير م الإنكسار

محمد زوام