قصيدة عامية لايمان عبد النبى - برواز ورق - من ديوان (برواز ورق)

غلاف ديوان برواز ورق ــ إيمان عبد النبى ــ برواز ورق ــ شعر

ايمان تلقى قصيدة برواز ورق فى نقابة الصحفيين

مناقشة الديوان بقاعة طه حسين 8 يناير2009

استمع و شاهد الآن!!!!!!!!!

*******************

برواز ورق

(1)

أنا و انت رسمة لعصفورين

عايشين سوا ف برواز ورق

يا نطير و نخرج هربانين

يا نموت سوا فى قطعة ورق

(2)

أنا و أنت ضحكتين

متبروزين جوا الورق

يا نضم إيدنا المليانين

همس و حنين

او نفترق

(3)

أنا و أنت كلمة فقصتين

متفرقين بين الورق

يا نعدى من موج السطور

متحديين

يا نموت غرق

(4)

أنا و أنت ياه متغربين

متكتفين و بننسرق

واقفين كده متجمدين ليه

جوه برواز و رق

ايمان عبد النبى